|
تحدي!
من تحت الستار طلع الممثلين أدوار
وطلع الكُمبارس في الزاوية من غير حوار
طلعت ع المسرح.. قام عدّا من قدامي حمار
صرخت وقلت دي مصر..بس أنا اللي مخي دار
مشيت ف مصر مش عارف أنا رايح فين
وكل ما انزل من على الرصيف..تيجي سيارة بسرعة, ويشتم:خليك ع اليمين
قال يعني معاه موعد مع يسرا ولا صابرين
تلاقيه متجوز..وقدّام مراته..فار ملوش رجلين
وف هليوبليس عند الضهرية..كنت فاكر الناس
بتقيّل
لقيت البلد صاحيه..ومحدش نايم..لا كبير ولا عيّل
ويا لهوي عاللي شفتوا
!ده المشوار من أولوا منيّل
ومدام الذوق بيقول الليديز فرست
يبقى بنات كايروا..لحسن عيارهم فلت
ومن كُتر اللي شفتوا عينيه اتبهدلت
وف اسكندرية أكتر..فينك يا أدب..ده الناس من قِلّتك اتأزمت
والحب ف مصر لقيت له مدلول جديد
كنت فاكر الحب رومانسية ..طلع الغريبة ان الإيد تبقى ف الإيد
بس عادي إن واحد يقعّد حبيبته على حجره..تقولش شايل حديد
وتقولك بحب بشرف! ..يا اختي شوفيلك عود كبريت
وياريت يا عربي تورينا الديموقراطية ف
بلدك
يا كلمة فاكرة إنك حتطلعي بحرية محدش حيستلمك
مش عارفة ان ع الشفايف مقص حيأدبك
يا عربي المحمول بيجذب البنات.. امسكلك واحد يمكن يلملك
ولسه ع المسرح بنغني أغاني
مبسوطين..تقولش بقينا ف العالي
يا جماعة دحنا محصلناش عالم ثاني
وحتى لو حطونا ف طبق دهب حنفضل نعاني
والبنت اللي حبيتها حاجة مش زي العادة
ذوق وأدب وجمال..بجد غادة
:وعشان كده حتصدقوني لو قلت
دي بس ف خيالي وبين الورقة والقلم..مع القهوة السادة
وقالوا على حبي عيب لما كتبت ف حبيبتي
كلام
مع إني لا هربت بيها..ولا أخدتها على حصان زي الأفلام
ومن ساعتها اتأكدت إن الحب بقى بس في الأحلام
!ومع كل ده لسه بنسأل؟ فين الرومانسية والسلام
ورغم كده في ناس عايشه بفكر زمان
مش فكر رجعي ..ده فكر عايش على الحب والبساطة والأمان
دي ناس سايبه الطيارات والسيارات وركبت الحصان
قمة الرومانسية..لما واحد يمسك ورده ويقول:بحبك من زمان
ودنيا هي دنيا من يوم ما خلقها الخالق
فيها ناس ف العالي وناس ف الواطي وبرضوا فيها العالق
وياما اتولدت ناس في بقهم الدهب معالق
طلع الدهب أصلي وطلعت الناس عوالق
قالوا الرقاصه والسياسي بينهم في الخفى
عمار
قلنا ملناش دعوه خلينا بعيد عن النار
قال السياسي:دي اشاعة..والاشاعة دايما للدمار
قالت الرقاصة: دي حقيقة ..واللي مش مصدق يشوف وسطي اللي دار
قلنا الحكم للسادة مش للعبيد
طلع الكل من أصل واحد زي الحديد
وبرضوا في منهم الطري وفي العنيد
وفي الآخر..طلعنا كلنا لله عبيد
يا عربي ده انتا الزمن حكى عنك حكايات
حكايات عظمة ونصر ومليانة بطولات
طلعت خايف..وبترضى بالبطولة شعارات
قال ده طموح! لأ يا شاطر دي رجعيات
وطول عمري بقول إن الحب أسمى ما في الكون
ولسه عند رأيي ولو قالوا عليا مجنون
لأن الناس من غير حب..عايشين ف ضلمة من غير عيون
ومفيش أحلى من إن واحد يحب وحده ويبقى زي روميو مفتون
!وسمعتوا كلامي ورأيكم غالي..وانا ف الحقيقة..ممنون
* * * |
