|
معذورة يا فلسطين
معذورة
يا فلسطين
لو قلتي علينا عيال
مدام مبقاش في جيلنا
ريحة الرجال!
معذورة
يا فلسطين
لأنك في أمتنا
وساكنا في بيوتنا
أصل بيوتنا دي عجبة!!
سقوف بتحمينا..
وسجون بتكوينا..
و ابواب من الفلين!!
معذورة
يا فلسطين
لو قلتي فينا العجب
أصل احنا بقينا خلاص!!
مرض و اسمه العرب!
معذورة
يا بناتنا
لو رحتوا و حاربتوا
أصل احنا ورجالنا
بنغني أغانينا
وبنبكي بعنينا
ونقول يا رب الستر!!
معذورة
يا فلسطين
معاكي جنسية
لأمة منسية
مكتوب عليها الذل..
وشرب كاس المر..
وبتبكي على حالها..
هبعت
رسالة حزن
لبطلكوا وبطلنا
الناصر صلاح الدين
وهقوله مش قادرين
ارجع وحررنا
او ازرع حلاوة روحك
في أهلي وولادنا!
* * *
|
